1 jannewaori – 13.30 – Vroeger kwammen d’r op ni’jjaorsdag en de daegen d’r nao aarme meensken bi’j de deuren langes om et volk et ni’jjaor of te winnen. En dan kregen ze een peer centen, een slokkien, of wat eteri’je. De Hiddekaampers van Oosterwoolde gongen mit een kussensloop bi’j de huzen langes te ni’jjaorwinnen en dan hoopten ze dat ze die onderwegens vol kriegen zollen. Ze zongen dan et volgende lietien bi’j de deuren:

Zegen in ’t ni’jjaor,
wi’j’ mi’j wat geven,
dan hoop ik daj’ lang leven.
Wi’j’ mi’j niks geven,
dan hoop ik dat je de
potten en de pannen
an de kont vaastekleven!

Ik kan me best redden en hoeve niet mit een kussensloop bi’j de deuren langes, mar… misschien da’k dit lietien wel zingen kan op mien verjaordagsfesien, de kommende zaoterdag… Et is mar een idee…

Naor de volgende bladzijde - Naor de laeste bladziede van 2010