22 jannewaori Ė 17.00 Ė In disse weken daík gien optredens hebbe, wiík hier en daor ok even op vesite. Vandemiddag bin ík biíj Wies in Heerenhage in Et Vene west en zoas gebrukelik heík daor een stok heerlik gebak had van bakker Breimer van De Lemmer!
  In ít Is genoeg west, et laeste deur de Stellingwarver Schrieversronte uutgeven boek, staot tot twie keer toe een wonderlike, mar vermoedelik wel meer maekte fout. De heufdpersoon gaot in de buurt van Arnhem naor een netuurgebied dat in et boek de Postbaank nuumd wodt. Mar et moet vanzels Posbaank zonder t wezen. Biíj de Postbaank kojí in vroeger tieden geld haelen en brengen. Over et boek zaík laeter nog wel es wat schrieven. De Posbaank is trouwens een prachtig gebied. Ik was daor op 18 augustus 2007 mit Ingmar en Barbara en de jongen. Golvende lappen bluuiende heide! Schitterend! Ik hebbe Ingmar, Imme en Arvid daor doe mit et beeld van een fietsende keuninginne Beatrix op petret zet.


21 jannewaori Ė 17.00 Ė Twie verhaelen die ík in meie van et veurige jaor in klad schreven hebbe, heík nog wat biíjfiekt en doe netties overtikt.  Ze bin bestemd veur een niíje verhaelebundel. As die temeensen ooit nog kommen zal. Ik schrieve haost gien verhaelen meer, mar ik hebbe nog wel een peer ideegies op een pepiertien staon, dat misschien doe ík daor binnenkot nog wel es wat mit. Et drift me niet meer.
  Omdaík dír de laeste tied op internet nogal wat postzegels biíjkocht hebbe, heík mien postzegelalbums mar es even goed reorganiseerd. Dír mos van alles tussen- en an toevoegd wodden. Dat vien ík wel mooi wark, want dan kriejí alle moois wají hebben es weer deur de hanen. Naor anleiding van 200 jaor Keuninkriek kommen dír op ít heden de mooiste postzegels uut. Hieronder een vellegien van vuuf zegels mit een ofbeelding van Anna Paulowna van Ruslaand (1795-1865), de vrouw van keuning Willem II.


Naor de volgende bladziede - Naor de veurige bladziede