27 jannewaori Ė 17.20 Ė Anke het hier vandemorgen an ít schoonmaeken west en ze het via ebay weer wat postzegels veur me besteld, want ik hadde op internet hiele mooien ontdekt die ík nog niet hadde! Vandemiddag heík Boer zuukt vrouw nog even biíj uutzending mist bekeken. Die aarme Jan in Kannede now toch ok. Wat moet die jonge now? Dit wodt nooit wat op disse meniere. Hiíj moet gewoon wat anhaeliger en romantischer doen. Ik wete wel hoe zoks moet!
  Ik hebbe de bestelde keuningsbiografienen biíj de boekwinkel weghaeld. Drie prachtige boeken. Jeroen Koch: Koning Willem I (1772-1843), Jeroen van Zanten: Koning Willem II (1792-1849) en Dik van der Meulen: Koning Willem III (1817-1890). Mit mekaander is dat meer as 2100 bladzieden. Dat betekent een hieleboel uren volop genieten!


26 jannewaori Ė 18.20 Ė We hebben gister een prachtige Schrieversronte-aovend in Noordwoolde had. Tot nao middernaacht zatten we daor nog an de bitterballen. Et mingd koor Oons genoegen van Hooltpae zong mooi, Freddie de Vries vertelde mooi en et korps Crescendo uut Makkinge speulde de steerns van de locht. Wat een goed orkest! Ik hebbe trouwens twie priezen in de verlotting wunnen: een ding om vetbollen an te hangen veur de voegelties en een heerlik waarme plaid. Veurzitter Ype Dijkstra hadde in zien eupeningstoespraoke stevige kritiek op menister Plasterk, omdat die et Nedersaksisch vleden jaor niet erkennen wol onder diel III van et Europees Haandvest veur regionaole taelen of taelen van minderheden. Et was mar goed dat Plasterk gisteraovend niet in de zael zat, want dan hadde hiíj heuren kund hoe et Stellingwarfs Volkslied tot twie keer toe mitzongen wodde. Maegerties! Dan hadden we die erkenning al hielemaole nooit kregen! Zoeín tekst heuren de Stellingwarvers uut et heufd te kennen! Zoks hadde dír uutbroezen moeten zoas et Wilhelmus dír aanst biíj de supporters uutbroest as oonze hadrieders dír mit de Olympische titels vandeur gaon! Zoks heur ie kiepevel van op íe rogge te kriegen!
  Vandemiddag heík Fettje in Noordwoolde anhaeld en doe biwwe tegere naor et verjaordagsfeest van Pieter in De Herberg in Waskemeer gaon. Daor was et beregezellig! EnÖ we hebben heerlik eten en drinken had!

25 jannewaori Ė 17.00 Ė Vandemiddag heík in Wolvege op vesite west biíj Jan zien moeder en now gao ík eerst een broggien eten en dan za ík weer vot. Ik haele Fokje aanst an en dan zuwwe tegere naor de kulturele niíjjaorsbiíjienkomst van de Stellingwarver Schrieversronte in et Vlechtwark in Noordwoolde. Daor kuwwe kieken en luusteren naor et zangkoor Oons genoegen van Hooltpae, et meziekkorps van Makkinge en Freddie de Vries uut Hooltpae zal verhaelen vertellen. En we zullen mit een protte meensken praoten en die et niíjjaor nog ofwinnen kunnen. Zoas ieder jaor zal et ok now wel weer een genoeglike aovend wodden.

Naor de volgende bladziede - Naor de veurige bladziede