6 feberwaori 14.40 Gisteraovend stuurde Sijtze Veldema me de eerste drokproeven van et infermaosiecahier dat mit de acht prenten in de grafiekmappe 200 jaor Keuninkriek komt. Wat wodt et prachtig! Pieter en ik zullen alle teksten nog es goed naokieken.
  Ik stappe aanst in de auto en dan gao k naor Sieger en Geertje in Liwwadden. Omdawwe heur indertied hulpen hebben bij et uutkommen van heur boek Liauckema State en haar bewoners meugen Abe de Vries en ik vanaovend mit heur uut eten naor resteraant De Zwatte Haene an de zeediek boven St. Jacobiperochie op Et Bildt. Mar ik gao eerst naor heur toe om een bakkien thee, dan haelen we Abe op, en dan gaowe henne te eten. Dit kan niet aanders as een uterst genoeglike aovend wodden!
  Sieger en Geertje hebben now ok een eigen webstee waor aj heur boeken bestellen kunnen. Zes mooie boeken over de Friese geschiedenis. Kiek mar es op www.Boekland.nl Mien kammeraod Douwe Kootstra krigt ok een eigen webstee: www.douwekootstra.nl en ajm benijd binnen naor verhaelen en gedichten in de streektael van de Kop van Overiessel (et Overiesselse Stellingwarfs dus) moejm es kieken op www.kopstokken.nl Ze staon op mien eigen webstee alle drieje bij de verwiezings. Hieronder een internetfoto van resteraant De Zwatte Haene.


5 feberwaori 17.00 De zunne begon vandemorgen mit een protte prachtige oranje vegen bij de locht langes an een nije dag en een specht in de bos naost huus roffelde diezelde dag integen. Wat een mooi begin!
  Vandemiddag bin k es weer heerlik mit mien grafiekverzaemeling an de gang west. Et spul wak in december op e kop tikt hebbe, hek op blaeden plakt en, zoas et heurt, op e aachterkaant mit een potlood omschreven. Hieronder een ofbeelding van een mooie anweenst. Sunt Joris verslat de draek van de bekende Duutse grafikus Harry Jrgens.


Naor de volgende bladziede - Naor de veurige bladziede