14 november Ė 16.00 Ė Gister bin ík in de naomiddag naor Jan de webmaster in Et Vene reden, die is biíj me in de auto stapt, en doe biwwe naor de Media Mark in Liwwadden gaon en daor hewwe een  fototoestel veur me kocht. Et oolde is kepot en mien twiede toestel, waík de laeste tied bruke, maekt niet zokke mooie fotoís. Dat ik hebbe dír een niíjen iene biíjkocht: een Nikon Coolpix P530. Nao de ankope hewwe tegenover de Media Mark een brotien eten en doe biwwe weer naor Et Vene gaon. Daor het Jan de webmaster de boel veur me insteld en alles uutlegdÖ Totdat de kop me haost uut mekeer bastte en niks meer opnam. Al die technische infermaosieÖ Vreselik! Doe hiíj me dat gisteraovend allegeer uut zat te leggen, docht ik an de eerste regel van gezang 174: Vaste rots van mijn behoud. Now, dat is Jan de webmaster dus. Dír is me trouwens ok al weer wat infermaosie ontscheuten. MarÖ ik hebbe een niíj fototoestel!
  An et begin van de middag bin ík tillefonisch interviewd deur Dick Hofland van Wegener Persdienst veur de dag van morgen. De dag van de Nederlaanse Dialekten in Hoogevene. Daor maík vertellen en ik wor dír (ok al weer) interviewd. Vanaovend maík verhaelen vertellen in et karkien van Hoornsterzwaog. Ik bin daor al drie keer eerder west te vertellen: in 1993,1995 en 2005. Ik daenke en verwaachte dat et een mooie aovend wodden gaot!
  En jaÖ dit is dan et prachtige hontien van Tjerkje daík eregister in Liwwadden bekeken en aaid hebbe. Dit hontien hiet ok weer van Rosco, krek as de veurige hond, en is slimme lief. Mar veur die vremde kerel in huusÖ was hiíj soms toch nog wel een klein betien schoftig.


13 november Ė 15.00 Ė Gistermiddag kreeík Jan Peereboom van De Jouwer onverwaachs over de heerd. Ik hadde him al es maild daík een foto van zien grootmoeder en moeder hebbe en dat hiíj die wel hebben moch. En now kwam hiíj dus an om de foto te bekieken. Ik hebbe dír een scan van maekt en him die toemaild. Jan zien grootmoeder was Klaosien oftewel Klaasje Eits-Pander en zien moeder hiette Margje. Klaosien woonde vroeger naost oons en ik gong as kiend vaeke naor heur toe. Ik luusterde biíj heur naor et radioverslag mit snarpende moters van de TT in Assen, want Klaosien hadde draodomroep. Ze het ok kleren veur mien beer breided en ik kreeg een keer een stokkien vleis van heur, daík zo vies vun, daík et butendeure drekt weer uutspiíjd hebbe. Aík dír henneleup, leup Flora, ien van oonze jachthonnen an de kaant van de sloot, zodat et joongien daor niet inroegelen kon. En Flora waachtte op me totdaík weer naor huus gong. In de baarm tussen oons en heur huus ston ieder jaor een polle wilde margrieten en die plokte ík, want ik was (en bin) gek op bloemen. Klaosien heur dochter Margje, de moeder van Jan, trouwde mit Peereboom, een melkboer op íe Blesse. Mien moeder en ik bin daor nog wel es west. Klaosien heur aandere dochter hiette Trien oftewel Trijntje. Ziíj was trouwd mit Knelis Pieters (de Vries) en ze hadden vlakbiíj oons een boerderiíjgien. Knelis bruukte et laand aachter et huus van zien schoonmoeder Klaosien en dat laand lag naost oons laand. Doe Trien en Knelis 25 jaor trouwd weren, brocht ik heur een boeket bluuiende prunussen. Ik wete et allemaole nog as de dag van gister. Hieronder de bewuste foto van Klaosien en Margje uut 1931.


Naor de volgende bladziede - Naor de veurige bladziede