18 november Ė 18.20 Ė De Liwwadder Kraante het vergeten mien kollum dír vandaege in te zetten. Ik kreeg bericht dat dír wat misgaon was. Et stokkien komt dír now ankem weke in.
  Vandemorgen bin ík even naor de dokter west. Dír zullen wat dingen onderzocht wodden. We moeín perberen daík de bienen weer wat beter onder ít gat kriege. Vanaovend zaík naor et gemientehuus in Wolvege, daor maík twie keer in et jaor een peer verhaelen vertellen veur niíje inkommelingen in de gemiente en vanaovend is et dus weer zoveer. Vandemiddag heík nog wat boeken rondbrocht in Hoornsterzwaog. Biíj mien optreden vleden weke in et karkien daore verkocht ik zovule boeken daík te weinig biíj me hadde. Vroeger kwam dat wel vaeker veur, tegenwoordig aenlik nooit meer. Mar in Hoornsterzwaog dus wel. Vandaor daík daor nog een peer boekies in wat brievebussen stopt hebbe. De tomtom stuurde me daor trouwens hielemaole veur niks een modderige zaandreed in. Dat ding kují niet altied vertrouwen!
  An et aende van de middag heík nog een overheerlike kruukkoeke bakt en Jan de webmaster het wat mit mien komputer en fototoestel ommefrosseld. En hiíj het miíj al broodetende mit Joris op íe schoot op petret zet.


17 november Ė 15.00 Ė Ik bin vandaege begonnen en rippeteer wat verhaelen veur de beide optredens van vandeweke in Wolvege en Drachten. Ik blieve dat vervelend wark vienen, mar et moet now ienkeer.
  Et is een betien een wildeboel, mar ik bin in verschillende boeken an ít lezen. Mar et niíje boek van Hylke Speerstra, Op klompen troch de dessa, over wat IndiŽgangers him allegeer verteld hebben, heík now uut. Et is een prachtig boek en soms zo ontroerend dat de traonen me dír van in de ogen sprongen. Hylke daenkt dat dit zien laeste Ďgroteí boek is. Ik hope van niet. Mar ja, de jaoren beginnen vanzels ok veur him te tellen. Dat gelt ok veur Durk van der Ploeg. As dír van die beide schrievers gien boeken meer uutkommen zollen, zol dat een enorme aoderlaoting veur de Friese schrieveriíje wezen.

Naor de volgende bladziede - Naor de veurige bladziede