26 december Ė 16.00 Ė Vleden weke zaoterdag ston dír een artikel in et Friesch Dagblad over de Streektalenatlas 2014 van de perveensie Frieslaand en hoe et dír mit de verschillende streektaelen in Frieslaand veur staot. Uut een onderzuuk het blieken daon dat 49 percent van de Stellingwarvers et Stellingwarfs riegelmaotig tot vaeke in et daegelikse leven bruukt. Dat is minder as de helte! We kun nog wat leren van de meensken op Amelaand! Daor is dat percentaoge mar liefst 83 percent! Biíj et artikel staot een foto van miíj die begin september neumen is biíj et uutkommen van Pake en beppe Pluus, et Nijntje-boekien in et Stellingwarfs.
  Vandaege ok een hooltgravure uut mien grafiekverzaemeling. De Belgische grafika Nelly Degouy (1910-1979) maekte disse prente van een stokmennig ingels die een tekst beetholen: Gloria in Excelsis Deo et in terra pax hominibus. Mar ja, vrede veur alle meensken is ankem jaor een vrome weens die niet uutkommen zal. Die zolange as dír meensken bestaon vermoedelik nooit uutkommen zal. Omdat meensken binnen zoas ze binnen en daor is alles mit zegd.


25 december Ė 17.00 Ė De kastdaegen bin veur miíj altied gewone (wark)daegen. Vandemorgen bin ík mit de vertaeling van drie Nederlaanstaelige gedichten an ít proezen west veur een eventueel projekt mit keramist Peter Hiemstra. De gedichten Drieluik voor Jan Mankes bin ok in et Fries vertaeld. Die vertaeling heík dír biíj.Vertaelen is en blift dreeg wark en disse klus vaalt me niet mit. Ik hebbe vandemiddag vanzels naor de kasttoespraoke van de keuning keken en doe bin ík ok nog even op vesite west biíj Jan zien moeder in Wolvege.
  Hieronder een hooltgravure van Pam Rueter uut mien grafiekverzaemeling. Dit is kastfeest! Jozef en Maria mit et kiend en de dieren in de stal. Rechtsboven verkondigt een ingel een protte bliedens, linksonder kommen de huders mit de schaopen naor de stal. Linksboven bin de drie keunings, Balthasar, Melchior en Caspar, ok onderwegens. En midden bovenin straolt de steern van Bethlehem! Zo heurt et kastfeest weergeven te wodden. Wat dír ooit ok van dat verhael waor west hebben mag. Hiel mooi!


Naor de volgende bladziede - Naor de veurige bladziede