9 jannewaori Ė17.00 Ė Et niíje jaor begint mit een boel gedokter en bezuken an et ziekenhuus. Uut et bloedonderzuuk het blieken daon dat niet alles is zoas et wezen moeten zol. Ik moet dus tussendeur naor mien internist en dat kan ankem weke al op maendagmiddag. Mit de daarmziekte is et sund aende oktober toch een betien in de hobbel en ik hebbe ok weer wat bloedaarmoede. Dat haík nao de zwaore longontsteking van vleden zoemer trouwens ok. Deensdag moeík ok weer naor et ziekenhuus, dan woín dír weer longfotoís maekt en moeík naor de longdokter. Mar dat was al pland. De lichte oogontsteking is wel over, mar ik hebbe nog iederkeer last van braanderige en stikkerige ogen. Mar daor is niks an te doen, zegt de huusdokter. Dreuge ogenÖ Ik hebbe keunsttraonen om et wat te verlichten. Dit kwaoltien heík de laeste drie jaor zo now en dan. Ik hebbe dír ok lange tieden gien last van en ik hope dat et now ok es weer veur een schoft bekomt. Mar ja, lezen, komputeren en tillevisekieken doe ík op et ogenblik mit maote. Ik lope aovens in donker wel es een peer kilemeter. Dat liekt me ok wel goed veur de kondisie. Mar et is allemaole slim vervelend!
  Vanaovend perbeeer ik me wat te ontspannen deur me in te spannen. Ik mag vertellen op íe niíjjaorsbiíjienkomst van buurtverieninge De Vijvershoek in De Miente in Oosterwoolde. Daor heík toch wel nocht an. Dír even uut!
  En dan nog even dit en dat is hiel belangriek. We heuren allemaole pal te staon veur et vriíje woord! Schrievers, kollumnisten, tekeners, alle meensken! Awwe oons stilleholen, niet meer zeggen durven wawwe vienen, de aandere kaant opkieken, is dat et begin van et aende van oonze vriíjhied. Onderstaond prentien van Ruben L. Oppenheimer zegt genoeg.


Naor de volgende bladziede - Naor de veurige bladziede