29 jannewaori Ė 16.00 Ė Doe ík laestdaegs verhaelen vertellen moch veur de leden van et shantykoor Stuyvesant Sailors in Wolvege en ik nao mien optreden keek naor een diaveurstelling van heur konsertreize naor Ierlaand, scheut me et idee veur een verhael deur et heufd. Dat verhael heík now schreven, verbeterd, uutwarkt, en opsleugen in de komputer. Veur misschien ooit in een niíje verhaelebundel. As daor dan nog belangstelling veur isÖ
  Omdat een goeie kammeraod me maendag vertelde dat hiíj et hiele huus enÖ alle kassies in huus schonemaekt het en een peer grieze bakken vol overtollig spul votdaon hetÖ bin ík gister ok mar begonnen en maek alle kassies schone en ruum de boel es goed op. Ik wil verdikkeme ok niet minder wezen!
  Mien kammeraodske Gertie uut Almelo stuurde me over de post een deur heur schilderde impressie van een Gerrit Benner toe. Een mini-Benner.


28 jannewaori Ė 16.20 Ė Sund gister hangt dír een petret van miíj in et Fries Museum. Nog niet tussen de oolde Friese aodel, mar tochÖ Van 27 jannewaori t/m 22 feberwaori is dír een tentoonstelling in et kader van Open Atelier en hangen daor vier grote struktuurtekenings en dichterspetretten van de Berkoper schilder Christiaan Kuitwaard. Kuitwaard is doende mit et projekt Portretten van Dichters/Dichters als stilleven. In de vriíjdagsbiíjlaoge Freed bestedet de Liwwadder Kraante daor de kommende vriíjdag uutgebreid andacht an. Christiaan Kuitwaard geft de dichters weer mit dichte ogen. Et liekt as daelen de dichters of naor heur innerlik, daor waor heur poŽzie ontstaot. Kuitwaard het tot now an toe petretten maekt van Aggie van der Meer, Johan Veenstra, Jan Kleefstra, Elske Kampen, Eppie Dam, Baukje Wytsma en Wilco Berga. Tieders een warkweke van 17 t/m 22 feberwaori is Christiaan Kuitwaard in et Fries Museum an et wark om petretten van aandere dichters te maeken. Et pebliek is van hatte welkom! Ik bin zeker van doel en kiek daor dan even om de hoeke van de deure. Hieronder et petret dat hiíj in oktober van miíj maekt het. Doe heík op een aovend in zien atelier in Berkoop veur him poseerd.


Naor de volgende bladziede - Naor de veurige bladziede