28 feberwaori Ė 17.00 Ė Vandemiddag om twaelf ure waík in et krematorium van Niíjschoot veur de ofscheidsplechtighied veur Wies Dasoul-Knol. Ik hadde niet docht dat dír zovule meensken wezen zollen. Ají 95 wodden en ie hebben gien kiender, dan is et meerstal mar een bedroefend klein koppeltien volk dat biíj je laeste reize op disse wereld anwezig is. Mar dír weren zeker zeuventig meensken! Wies hadde een protte vrunden en kunde! Ik mag willen dat et miíj laeter ok zo vergaon zalÖ Et was even jammer dat de geluudsapperetuur tot twie keer toe haeperde biíj et speulen van de meziek. Nao de plechtighied biwwe mit mekeer naor Hotel Heidehof in Et Vene gaon. Daor ston een geweldig broodbuffet veur oons klaor en we konnen even naopraoten. Dír bleven nog een protte heerlike bolties over en we wodden verzocht om die in tassies mit te nemen. Dat mit de zoerkoolstamppot van gister uut Sneek en de broties uut Et Vene van vandaege kom ik et hiele weekaende wel deurÖ Mar ik zal Wies missen. Al weer een leven dat veurbiíj isÖ Daor wor ik wat mankeliek van. 
  Anslutend bin ík in Wolvege op vesite west biíj Jan zien moeder. Et was meer as tied daík es weer biíj heur keek.

27 feberwaori Ė 20.00 Ė Ik hebbe gisteraovend een mooie vertelaovend had in Hoogkerk biíj de plattelaansvrouwluden die de laeste jaoren Vrouwen van Nu hieten. Ik was dír nooit eerder west. Dír kwam eerst een vrouw van et perveensiaol bestuur an et woord, omdat ze in Hoogkerk ok al gien meensken meer in et bestuur kriegen kunnen. As dír heur de kommende tied gien vrouwluden anmelden, hoolt de boel an et aende van et jaor op te bestaonÖ En zo gaot et overalÖ In et schoft kwam dír een vrouw biíj me die me vertelde dat ze in de oorlog as onderdukers in een boot in de Lende biíj de sluus van Niíjhooltpae laggen. As dír onraod was veerden ze vot richting Berkoop en as et onraod veurbiíj was, veerden ze weer naor de sluus. As klein maegien gong ze dus op schoele in Niíjhooltpae. Wat een mooi verhael! Ik hadde dír nog nooit van heurd. Et was gisteraovend trouwens optreden nommer 2950. Ik komme staorigan dichter biíj de 3000. Nog even volholenÖ 
  Vandemiddag heík naor Sneek west om de verjaordag van Gerda mit te vieren. Ik hebbe dír zokrek ok een bod waarm eten had, dat ik hebbe now gien drokte meer mit de eteriíje. EnÖ ik hebbe een bakkien mit stamppot zoerkool mitkregen. Dat now ja, ik vuulde me zokrek krek Kniertje die biíj reder Bos wegkwam. Daankber veul alle goeie gaoven!

Naor de volgende bladziede - Naor de veurige bladziede