5 november Ė 16.30 Ė Ik bin vandemorgen naor de dokter west. De hechtings mossen weghaeld wodden die de huuddokter dír vleden weke nao heur fiekeriíje in et ziekenhuus inniíjd hadde. Ik hebbe mitien de jaorlikse griepspuite kregen. Dat kon mooi in ien keer, aanders haík vandemiddag nog een keer henne moeten. Ik krieg die spuite al meer as 25 jaor en ik hebbe nooit griep. Ofkloppen! Ik bin winters zo now en dan wel dikke verkolen. Mar vanwege de colitus moeík die griepspuite gewoon hebben. Pattie volk het dír hinder van, ik hebbe dír nog nooit een tel last van had. Ik hebbe mitien ok mar een flut bosschoppen haeld, want ik kriege overmorgen drie man te eten en dat volk zet dír in de regel nogal wat deur.
 Vandemiddag heík een peer verhaelen rippeteerd die ík morgenvroeg in een studio vertellen moet veur et opnemen van een cd. Ik hope dat et me goed ofgaon zal! Ik hebbe ok een kollum schreven over al die Chinese toeristen in Gieteren.

4 november Ė 18.20 Ė Ik kreeg laestdaegs een mailtien van Jan uut Liwwadden en van vroeger uut Niíjhooltpae. Hiíj hadde mien niíje roman Een vrouw van ivoor lezen en wol daor wel es mit me over praoten. Zodoende daík vandemiddag naor Liwwadden west hebbe. Zoks doe ík niet biíj iederiene, heur. As meensken mit me over dat boek praoten willen bin ze welkom biíj me thuus! Ik reize mien lezers niet allegeer biíjlanges! Mar dit was gezellig! In een uutspanning in de Liwwadder binnenstad hewwe indringend praot en een peer bakkies drinken mit appel-spekelaos gebak had. Laeter bin ík biíj Jan thuus west. Een klein huus vlakbiíj de Grote of Jacobijner Karke. Ají dan toch in een grote stad as Liwwadden wonen moeten of willen is dit wel een hiel mooi plakkien! Prachtig! Hieronder twie fotoís van vandemiddag. Links: de gebouwen tegenover de Ooldehove. Rechts: op et witte huus (rechterkaant foto links) staot een prachtig schilderd petret van Maria Louise van Hessen-Kassel, de vrouw van de Friese stadhoolder Johan Willem Friso. Dit in verbaand mit et Maria Louise Jaor!


Naor de volgende bladziede - Naor de veurige bladziede