16 december Ė 16.00 Ė Vannaacht kwam de iene nao de aandere droom in verhaelvorm weer veurbiíj. Goeie kunde van me het me et vloerklied in de kaemer vernield deur dír biíj ongelok mal en smerig spul over te gooien. Mar veur de gevolgen wollen ze niet staon. Ze wollen de schaede niet betaelen, ok niet via de verzekeringÖ Ik nume gien naemen, mar zoks is niet aorig! Daornao zat ik in een vergeerdering daor Remco Heite, oonze oold-burgemeester, veurzitter was. Mit een protte genoegen nam ik et op me en schrief een revu. En doe scheut ik om vuuf veur achte, laete veur mien doen, wakker en ik verbaosde me. Ik zol nooit van mien leven een revu schrieven willen en kunnen.
  Vandaege was et een klussiesdag. Dír laggen nog een protte dingen die daon wodden mossen. En ik bin me geestelik an ít veurbereiden op morgen en overmorgen, want dan kommen dír meensken op vesite en te eten.

Zuken jim nog een mooi kastkedo? Mien niíje roman Een vrouw van ivoor! Veur mar 13,50 euro te bezetten in elke goeie boekhaandel enÖ via dit webstee!


15 december Ė 17.00 Ė Ik hebbe now 114 kast- en niíjjaorskaorten verstuurd. Misschien dat dír nog een peer biíjkommen. Et was al mit al weer een hiele schrieveriíje, mar et is vanzels ok aorig om kaorten te kriegen. Et is een mooie gewoonte, die we in staand holen moeten!
  Vandemiddag heík in dŲrpshuus De Kiekenhof in Niíjehoorn verhaelen verteld veur een koppeltien senioren. Vroeger zeden we van oolden-van daegen, mar dat kan tegenwoordig vanzels niet meer. Gieniene wil oold wezen! Ik was al verscheiden keren eerder biíj heur west te vertelen en ok now was et weer een genoeglike middag. Ik raekte wel halverwege in een verhael kompleet de draod kwiet. De mikrefoon vul iederkeer vot en doe mos dír midden in et verhael over de Stellingwarver Chippendales een niíje batteriíje in. En gao dan mar es wiederÖ Nao et schoft heík et verhael opniíj en doe zonder haeperen verteld. Et was een verrassing dat mien kapster Bertha dír ok was! Vandaege over een weke zaík weer naor heur toe. Ik wil dír mit de kastdaegen vanzels netties biíjlopen! Ik bin mit een rooie roze en een dreuge wost vanuut Niíjehoorn weer naor huus gaon. Hieronder een foto van vandemiddag: De Kiekenhof in Niíjehoorn.


Naor de volgende bladziede - Naor de veurige bladziede