28 december Ė 17.00 Ė Ik hebbe et boek Verloren Adel. De laatste dagen van de Russische aristocratie lezen. Dit indrokwekkende boek over de verliezers van de Russische Revelusie is schreven deur Douglas Smith en telt 560 bladzieden. Et is de Russische aodel gruwelik vergaon, ze wodden onteigend en uutroeid. Et weren zomar inienend uutrangeerde meensken, die mit niks zien mossen te overleven. Et boek is een verhael van een ieuwenoolde elite, plunderde peleizen, branende laandhuzen, verbanning en eksekusies. Zonder perdon en zonder perces wodden de vroegere preenzen en graven en heur femilies doodscheuten of ze kwammen van ellende en ziekte omme in de goelag. Ají een titel hadden wají fout, ají now wel of niet wat misdaon hadden. De terreur tegen de aodel duurde tientallen jaoren. Nao de bolsjewieken gong Stalin dír lieke gruwelik mit deur. Pas onder Gorbatsjov moch dír weer eupenlik praot en onderzuuk daon wodden naor de vroegere Russische aodel en wat daor van overbleven was. Douglas Smith volgt in zien boek twie femilies: de preenselike femilie Golitsyn en de grafelike femilie Sjeremetjev. Sommigen ontkwammen, sommigen pasten heur an en overleefden, de meersten wodden vermoord. Mar zels in de donkerste daegen van de terreur gong et leven gewoon deurÖ An de top van die ieuwenoolde elite ston de tsaar. De laeste tsaar was Nicolaas II. Hiíj wodde mit zien vrouw en vuuf kiender op 17 juli 1918 vermoord deur de bolsjewieken. In 2000 het de Russisch Otterdokse Karke de hiele femilie heilig verklaord. Hieronder een foto uut 1914 van Nicolaas II, zien vrouw Alexandra, de dochters Olga, Maria, Anastasia en Tatiana en et zeuntien Aleksej.


27 december Ė 15.40 Ė Doe ík tussen de middag biíj de keukentaofel mien prakkien zoerkool stamppot en een tippien wost behaffelde, zag ik een iekhoorntien in de bos op-en-daele over de stamme van een boom roetsen. Wat is et toch mooi daík zoks geregeld vanuut mien eigen huus bekieken kan. Wat woon ik toch mooi!
  Vandemorgen heík een kollum schreven en now zaík zo naor Berkoop op jaordagsvesite biíj Peter. Ik gao mar mit de auto, want et is wat motterig en om me nat regenen te laoten is de bedoeling ok niet. Toch blift et uutzunderlik zaachte. Dat is ok te marken an de voegelties. Ik hadde een hieleboel vetbollen, striíjzaod en aepeneuten insleugen, mar ze hoeven et haost niet. Ze kun heur nog zat redden. Ik moet dír vanzels veur zorgen daík vanaovend weer thuus bin veurdat Boer zuukt vrouw begint! Zollen Geert en Hetty, daor aík vandezoemer mit Saakje nog in Mussel biíj in de winkel west hebbe, nog biíj mekeer wezen? Grif!


Naor de volgende bladziede - Naor de veurige bladziede