10 jannewaori Ė 16.00 Ė Mien liefde veur katten is zo staorigan algemien bekend. Ik kreeg gister op mien fesien twie keer et Kattenommer van Volkskraante Magazine. Daor kan ík in lezen dat de kombinaosie schriever/katte(n) hiel vaeke veurkomt en een meer as gelokkige kombinaosie is. Tal van schrievers vertellen in dit nommer over heur katte.Thomas Verbogt zegt: Katten verzoenen je met de boze buitenwereld. Ze hebben hetzelfde effect als humor: alles wordt wat minder hard. En Rudy Kousbroek zee ooit: Een dier is in staat tot lijden, dus als we menselijke eigenschappen op ze projecteren, vind ik dat niet verkeerd. Als ik wegga, zit hij me op de vensterbank na te kijken. Kom ik thuis, dan krijg ik een likje en als het lang geduurd heeft, springt hij spinnend in mijn nek. Hij houdt van ons, dat weet ik zeker. Boris en Joris hebben in verbaand mit mien jaordagsfesien vandemorgen een extra heerlik blikkien eten van me had. Ze weren dír overstuur van! Ik hebbe vannaacht trouwens een hiel schoft klaorwakker legen deur alle indrokken en genoegens van gister. Zoas een kiend dat een dag mit een schoelereisien vot west het. Ik bin bliede dat et kiend in miíj nog altied hiel arg dichtebiíj is.
  Vandaege heík een kollum schreven over de fusieplannen van de gemiente West-Stellingwarf en ik hebbe wat verhaelen rippeteerd veur et optreden van de kommende woensdagmiddag in Et Vene. Dat kon vleden weke vanwege de glaezebakkeriíje niet deurgaon.

9 jannewaori Ė 17.00 Ė Et was een mooie dag, et was een mooi verjaordagsfeest in oons mfc De Niíje Stienze. En now is et al weer veurbiíjÖ Et begon vandemorgen om kwat over tiene mit koffie/thee en gebak. EnÖ verscheiden meensken sprakken me toe: schoonzuster Roelien en omkezegger Deli hiel ontroerend en persoonlik, kammeraod Douwe mit een mooi volksverhael, Ype Dijkstra, de veurzitter van de Stellingwarver Schrieversronte en mien vroegere overbuurvrouw Triensje! Geweldig! Mooi heur! Tussen de middag hewwe genieten kund van vier soorten stamppot: hutspot, zoerkool, boeremoes en hiete bliksem. En dír weren allemachtig grote tippen wost en joekels van gehakballen. Et was prima verzorgd! Nao et eten biwwe mit mekaander op petret kommen. De foto is maekt deur de drone van webmaster Jan die boven et sportveld hong te brommen. De niíje tied! Middags hewwe genieten kund van et duo The Lion Rules: Jeannette Roeles en Yska de Leeuw. Ze hebben twie keer twintig menuten zongen: veurnaemelik lieties in et Stellingwarfs en et Engels. Stellingwarver teksten van kammeraod Haarm! En doe was et om goed vier ure weer veurbiíj en nammen de meensken ofscheid. Prachtig dat ze kommen binnen. Jammer dat pattie meensken niet kommen konnen vanwege ziekte en ongemakken. Aík et aosemhaelen niet vergete en nog aorig fit bin tegen die tied doe ík dit over vuuf jaor weer. Ingmar het nog even mit me mit naor huus west om alle kedoís te plak te brengen. Ik zitte now mu mar voldaon mit de beide poezen in huus! Et was een blinders mooie dag! Dír komt nog wel een foto-overzicht van webmaster Jan. Hieronder alvast een foto van de feestgangers naost oons mfc. Een foto die deur de drone maekt is!


Naor de volgende bladziede - Naor de veurige bladziede