19 jannewaori Ė 18.00 Ė Vandemorgen weren de timmerluden al weer betied an de slag. Om half achte was de eerste dír al! Omdawwe vandaege vot zollen, mossen ze heurzels veur et grootste pat redden. We hebben vandemorgen nog wel mit mekaander koffiedronken. Daornao bin wiíj votgaon en ik hebbe de aachterdeure los laoten zodat de manluden tussen de middag in de waarme keuken heur brood opeten konnen. Wiíj bin op meubeljacht west. Een peer weken leden naor Vesta in Grunningen en vandaege naor Home Center in Wolvege en Van der Meer in Sneek. Ik daenke dat Vesta de klandizie krigt. Nao Sneek biwwe nog naor Langweer west. Doe we deur de Jouwer reden zag ik overal de tietelozen bluuien! Krek as laestdaegs in Beilen. Een wonderlik gezicht! Nao alle gebeinsel hewwe lekker eten biíj Van der Valk in Wolvege. Ik hadde op mien verjaordag een Van der Valk-bon kregen, dat die hewwe tegere drekt mar goed besteded.

18 jannewaori Ė 17.00 Ė Veur acht ure vandemorgen kwammen dír al twie timmermannen en laeter kwammen daor nog twieje biíj. Mit vier man bin ze begonnen en hael geuten en wiendveren weg en zet daor spul van keunststof veur in de plak. Butendat kwam Anke te schonemaeken, dat ik hadde vandaege wel volk om de deure. Tussen de middag heík veur drie timmerluden een pannegien tomatesop klaormaekt. Ie zullen zok wark doen moeten mit de koolde, dan moejí zo now en dan wel wat waarms in de boek hebben! De beide katten weren eerst hielemaole van slag van alle drokte, mar ik wol ze niet butendeure hebben mit al die autoís. Daoromme mochten ze, om de boel wat te verzaachten, op een bedde liggen. Dat mag aanders niet, mar dit bin biezundere omstaandigheden. Hieronder bin twie van de timmerluden an ít wark.


Naor de volgende bladzijde - Naor de veurige bladziede