26 jannewaori – 18.00 – Ik bin vandemorgen om even nao half tiene in Wolvege in de trein stapt naor Haarlem. Daor he’k in Teylers Museum een wondermooie tentoonstelling bekeken: Echte winters. Het winterlandschap in de negentiende eeuw. Schilderi’jen van winterlaandschoppen mit meensken op redens en mit sleden van Koekoek, Schelfhout, Jongkind, Mauve, Breitner, Israëls, Van Gogh en een protte aanderen. Veur een romantikus as ik bin is dit genieten. Zo mooi! Ien van de mooiste tentoonstellings die ’k ooit zien hebbe! Gao naor Haarlem, volk! Et was d’r vandaege drok. Nao ofloop he’k wat eten in een Turks eetkefé. Gewoon een brotien kroket. Turks eten waog ik de oolde huud niet an. Een maegien stak vanof de straote de haand naor me op. Ze hadde een bod bi’j heur daor op ston: Geen piek voor gebrek. Wat zol dat betekenen? Wil ze gien geld geven an de eteri’jebaank? Et was een prachtige dag! Hieronder ien van de schilderi’jen die op ’e tentoonstelling te zien is. Et eulievarfschilderi’je Winterlandschap met twee molens van Andreas Schelfhout uut 1846.


Naor de volgende bladziede - Naor de veurige bladziede