31 jannewaori Ė 21.00 Ė Ik mos vandemiddag et jaordagsfesien van Pieter in et Centrum veur Prentkeunst op íe Fochtel missen. Gieniene hoeft miíj op íe laeste zundag van jannewaori argens veur te vraogen, want dan kan ík nooit. Dan doe ík mit an de Midwinterverhaelemiddag in de mooie stad Workum. Ik zat vandemiddag in schipswarf De Hoop en hebbe zes keer een koppeltien meensken biíj me langes had. Ik hebbe van ít jaor vanzels verteld over en uut mien diels autobiografische roman Een vrouw van ivoor dat nommeneerd is veur de Rink van der Veldepries. Een hiel persoonlik verhael dus en dat vul dír goed in. Een man pakte me nao ofloop biíj beide schoolders beet en zee dat hiíj mien humoristische verhaelen mooi vun en ik vertelde ze goed, marÖ dit was et. Dit kwam rechtstreeks uut mien hatte en dat kon hiíj an mien stemme heuren. Die was aanders as aanders. De man hadde geliek. Ik vertelde vandemiddag hiel intens en zo klonk mien stemme ok. Et was een mooie middag. Nao mien vertelderiíje heík in de Smederiíje nog ien van de optredens van kammeraod Douwe beluusterd en bekeken. Een volksverhael dat Douwe nooit eerder verteld hadde. Hiel mooi! Vervolgens bin ík naor een optreden van zanger Gerrit Breteler west mit begeleiding van Clara Rullmann. Gerrit zong in verschillende taelen en het een prachtstemme. En doe heík in et PottebakkershŻs tegere mit Douwe en Romkje en een boel aandere meensken geneuten van een bod waarm eten. Ze weten daor in Workum van een verhaelevertelder toekomt! Hieronder twie fotoís. Links: op íe bovenverdieping van dit gebouw van De Hoop heík vandemiddag verteld. Rechts: in disse klipper was een aandere vertelder aktief.


30 jannewaori Ė 15.30 Ė Ik hebbe gister een geweldig mooie aovend beleefd in De Schierstienze in Veenwoolden. Douwe kan meraokelse goed interviewen en journalist en radioman Eelke Lok is een smoute praoter. Et is eins de bedoeling dat dit een vervolg krigt en dat Douwe biíjveurbeeld drie of vier keer in et winterseizoen een bekende Fries interviewen gaot. Aík kan wiík daor altied biíj wezen, want dit is hiel mooi! De akkordeonmeziek van Herman Peenstra was trouwens ok prachtig! Ik hebbe gisteraovend et boek It each fan Eelke kocht. In dit boek staon zien mooiste radiokollums. Et is vleden jaor uutgeven biíj uutgeveriíje Bornmeer. Eelke het in mien exemplaor schreven Foar myn foarbyldÖ Douwe en ik zatten indertied as kollumnisten in zien radiopergramme It Wapen fan Frysl‚n en hiíj vertelde dat hiíj doe altied goed naor oons luusterd hadde hoe as wiíj et deden. Dat wol hiíj laeter ok en dat het hiíj daon! Hiíj schrift en sprekt now al jaoren kollums veur Omroep Frieslaand. Eelke liekt meer op Douwe, is venieniger en kritischer as ik bin. In dit boek staot ok een kollum over et Stellingwarfs en daor kom ik ok in veur. In die kollum staot de volgende zin: Tryst, Johan, de grutte fersprieder fan it Stellingwarfsk, tagelyk de deastek foar syn streektaal. TsjaÖ Zal dír laeter zo over me docht wodden? Ik zal et boek ongetwiefeld mit groot genoegen lezen!
  Vandemorgen heík in De Miente in Oosterwoolde even op íe postzegelbeurs keken, mar daor was niks veur miíj biíj. Op 20 feberwaori is dír een vule groteren iene in Roden, ik daenke daík daor dan ok mar even henne gao.
  Vandemiddag kwam de rouwkaorte van de moeder van schoonzuster Roelien: Dela Gesina Schoppers. Ze is eregister in et ziekenhuus van Winterswiek wegraekt en 87 jaor wodden. Roelien belde me gistermorgen vroeg. Ik wus dat et dír an zat te kommen. Ankem weke deensdag reis ik in de loop van de dag naor de Aachterhoeke toe.

Naor de volgende bladziede - Naor de veurige bladziede