4 feberwaori – 17.00 – Hoe mal de dood ok om him henne raegt… Ik hebbe gister een mooie aovend in Theater Sneek beleefd. Gistermiddag bin ’k eerst naor kapster Bertha in Et Vene west en doe die me toonber maekt hadde bin ’k naor Jelle en Gerda in Sneek reden. Daor he’k aovens waarm eten en doe biwwe naor de Bonte Sneker Aovend west die veur de vuuftiende keer hullen wodde. Et was, krek as in veurige jaoren, in ien woord geweldig. Vrouw Heabeltsje de Jong (een geweldige rolle van Yede van Dijk) van de Stienklip nommer 13 was weer jaorig en dat wodde vierd mit een Bonte Aovend vol schetsies en zingeri’je. Mooie lieties over Sneek en de meerst komische schetsies. Prachtig was de reize van Heabeltsje en heur buurvrouw Molly (die vroeger in et leven zeten het en in de steek laoten is deur heur man Bertus) naor de kastmark in Oldenburg mit een bus van Paulusma. Hoe ze an de Bratwurst gongen! En… Heabeltsje kreeg vesite van Gaston van de Postkode Lotteri’je. Ze wun 25.000 euro en de auto! En dat allegeer in et Snekers! Hadden wi’j zoks mar in de Stellingwarven!

Vandaege kwam de rouwkaorte van Ria Zifkamp-de Jong waor a’k gister van vertelde. Ze is 66 jaor wodden. Ik zal maendagmiddag naor et krematorium in Haarlem veur de ofscheidsbi’jienkomst. Dood is veur mi’j synoniem veur onrecht. En et leven gaot toch deur… Hier bluuien de sni’jklokkies in de tuun. Et wodt aanst ok gewoon weer veurjaor.
Hieronder nog een prachtig gedicht van Ria uut heur bundel Al jaren lang dezelfde man.

Ik zag een roos
op ’t einde van november.
Een roekeloze roos
op stekellange steel.
Ze deed mij in haar
overmoed oneindig veel.

En telkens
als ik haar zag staan,
stond ik even stil
en sprak haar aan.
Zelfs in de nacht
ben ik haar niet vergeten.

Hoe kon een enkele roos
mij zoveel doen?
Ze was – als ik – verdwaald
in een verkeerd seizoen
en wilde van gemis niet weten.


Naor de volgende bladziede - Naor de veurige bladziede