9 feberwaori Ė 18.00 Ė Nao drie ofscheidsbiíjienkomsten in drie verschillende krematoriums in twie weken tied, hewwe vandaege mar es wat plezierigs daon. We hebben een autotocht deur et mooie Gaasterlaand maekt. Over Laaksum en et Rooie Klif. Daor is et altied mooi. We bin vervolgens naor et mooie stattien Hindeloopen west en hebben daor et Eerste Friese Schaatsmuseum bekeken. Ik was dír nog nooit eerder west. Wat een mooi museum! We hebben dír eerst wat drinken en waarm appelgebak had. De redens en stempelkaorte van Willem-Alexander zien Elfstedetocht bin dír te bekieken. EnÖ dír bin vitrines mit spullegies en fotoís van alle winners van de Elfstedetocht. Mar ok een vitrine mit andaenkens an oonze eigen Stellingwarver Grietje Lukkes-Oosterhof (mien aachternichte) die jaorenlaank ien van de besten was biíj de vrouwluden op íe kotte baene en een keermennig Nederlaans kampioene wodden is. Hieronder twie fotoís uut een somber Hindeloopen. De zunne was dír spietig genoeg niet biíj. Laeter op íe middag begon et te regenen en hewwe eten in Hotel Gaasterlaand in Ries.


Naor de volgende bladziede - Naor de veurige bladziede