19 feberwaori Ė 18.00 Ė Vandemiddag moch ik verhaelen vertellen veur de vuuftig-plussers in gebouw De Kjellingen in Oostermeer. Ik was dír al vier keer eerder west te vertekllen: in 2000, 2005, 20009 en 2010. Ik bin bliekber populair in et dŲrp van Doutzen Kroes. Et is vanzels spietig dat as ziíj aanst op een keer boven de vuuftig is ik et pad niet meer uutgao te vertellen. Zo zuwwe mekeer nooit treffen! Mar ja, ie kun niet alles hebben in et leven. Dír weren vandemiddag dattig meensken. Dat hadden dír meer wezen kund, mar de griep spoekte daor omme en dír mossen alderhaande meensken naor een begraffenis. Dír kwam een vrouw biíj me die me vertelde dat ze miíj en mien moeder (in een rolstoel) indertied meerdere keren zien hadde in et UMCG. MarÖ dat kan niet! Ik bin daor nooit west. Allienig ien keer om te vertellen veur een groep vutters van dat Grunninger ziekenhuus. Ik hebbe vermoedelik een dubbelganger! Ik hebbe vandemiddag heerlik vertellen kund. Et was een meer as genoeglike middag! Doe ík in Drachten biíj een bezinepompe de dust van mien auto verhulpen hadde, vreug de vrouw van de kassa as ik meneer Veenstra van de verhaelties in de kraante was. Ja! Hieronder een foto van vandemiddag: In dit gebouw De Kjellingen in Oostermeer/Eastermar heík vandemiddag verteld. Een mooi en niíj gebouw!


18 feberwaori Ė 16.00 Ė Ik hebbe gister een mooie middag en aovend had. EnÖ ik hebbe wel aorig verstaand van literetuur, want ik hadde knap veurspeld wie de Rink van der Veldepries kriegen zol. Willem Schoorstra of Anne Feddema. Et wodde Anne Feddema dus en die gaf een peer oerwooldbrullen doe zien naeme bekend maekt wodde. De man was hielemaole overstuur en bekende dat hiíj dír al een peer naachten niet van slaopen kund hadde. Now, ik hebbe iederkeer best slaopen, want ik wus wel zeker daík die pries nooit winnen kunnen zol en zal. De Friese overmacht zal altied te groot wezen. Alhoewel de jury dír nogal aorig overveegde en flink wat kritiek hadde op íe kwaliteit van de inzendings. Veerweg de meerste instuurde boeken konnen zo an de kaant scheuven wodden. Niet goed genoeg. Behalven de vuuf nommeneerde boeken weren dír nog mar een peer die van een goed nivo weren. Mar ik zat mit Een vrouw van ivoor biíj die vufe en bin daor nog altied slim bliede mit. De jury prees mien boek mit mooie woorden. Ik stelde mezels niet mooier veur as daík bin, ik hadde de verschillende verhaellijnen hiel goed vervlochten en ik beschreef de netuur en de meensken in Ivoorkust prachtig. Mit daank an Feike! Alle nommeneerden kregen mooie bloemen. Van mien uutgever kreeík een nog groter boeket prachtige bloemen. De direkteur van de Schrieversronte was dír en de veurzitter en die zien vrouw. Dat was mooi! Et was veerder hiel genoeglik, ik hebbe mit een protte meensken praot.
  Nao de biíjienkomst in et gemientehuus hebben Douwe en ik lekker eten in eetkefť De lachende koe in Drachten, vlakbiíj et gemientehuus. Et zat dír stampvol mit eters. Een protte jongvolk. Ik hebbe heerlike scholfilet had en Douwe en ik hebben uutvoerig biíjpraot.
  Vervolgens heík op íe Gediek verhaelen verteld veur de leden van Passage dat 65 jaor beston. Et was een prachtige aovend. Ik was geweldig op dreef en et pebliek was fantastisch. Mar et vertelt op íe Gediek altied goed. Ik mag daor graeg hennegaon. Ik kreeg van heur ok een groot boeket bloemen. Dat ik bin mit drie prachtige boeketten thuuskommen en in al die boeketten zatte witte rozen. Op íe Gediek kwam een vrouw biíj me die me vertelde dat ze me in Den Haag al es tegenkommen was en dat ik daor laeter een radiokollum over schreven hadde. Dat is dus meer as twintig jaor leden, mar ik wete et nog goed. Ik was die dag mit Haarm een dag naor Den Haag en ik wodde daor doe tot twie keer toe herkend! In Den Haag! Deur Lieske van De Gediek en deur een man en een vrouw uut de Stellingwarven!

Naor de volgende bladziede - Naor de veurige bladziede