14 december Ė 15.30 Ė Aanst komt Jans op vesite. Die ken ik al hiel wat jaoren, mar we zien mekaander haost nooit. Hiíj woont niet echt in de buurt. Et blift zodoende meerst biíj mailkontakt. Mar nao drie jaor komt hiíj weer es een keer langes en blift hier te eten. Ik hebbe een panne mit gruuntesop mit ballegies en een ovendschottel mit stokkies sukadelappies en laogies eerpelpuree, prei en champignons en kookte spitskool mit raspte keze dír overhenne. En dan nog roomyoghurt mit walneuten en Griekse hunning. Dat moet goed genoeg wezen! En... we gaon vanzels een protte praoten. We moeín drie jaor biíjpraoten en dat is niet niks. Ik hebbe vandaege trouwens nog zoeín ovendschottel, en dan een groteren iene, klaormaekt veur de vier eters die morgen kommen. Ik moet now trouwens daenken an de beroemde konference De jongens van Wim Sonneveld over de dag dat zien dochter trouwt en alle jongen die ze versleten het. Maar ja, Harrie gaat, Piet komt. Piet gaat, Kees komt. Kees gaat, Nikkie komt. En allemaal mee-eten. Oh, ik heb wat voedsel verstrekt aan die knapen! Maar ja, je denkt ook bij je eigen: rekken en erbij blijven!

13 december Ė 17.00 Ė Vandemorgen is de auto maekt, dat alles warkt hier now weer: komputer en auto. Dat docht ik temeensen. Et volgende technische perbleem kwam om de middag henne. Ik kon gien tan-codes meer ontvangen veur et internetbaankieren. Niet via een sms en niet over de tillefoon. Et bereik van mien mobieltien was altied al haost niks, now was et nul komma nul. Jan de webmaster het dír ok nog biíj west. Uuteindelik is et me lokt een betaeling te doen. Jan is mit mien mobieltien butendeure biíj de weg staon gaon en ik hebbe de bestelling op íe komputer daon. En doe kwam dír biíj de weg een sms-ien mit de tan-code. Wat een gruwelik gedoe mit al die rotzooi. As dit zo blift zaík naor de baank. Ie kun in plak van tan-codes via sms of tillefoon ok pepieren tan-codes kriegen. Dan moet dat mar. Now hoop ik vurig dat dír veureerst niet meer van dat soort ongemakken kommen zullen. Vandaege heík alvast een grote panne sop klaormaekt en een kleine ovendschottel. Morgenvroeg maek ik een grote ovendschottel. Want ja, morgenaovend komt dír iene eter en vriíjdagaovend kommen dír mar liefst vier eters. Dat dír gaot hier de kommende daegen hiel wat eten en drinken deurhenne. Mar ik vien et altied slimme gezellig as dír meensken kommen te eten!

Naor de veurige bladziede