18 oktober 17.00 Vandemiddag hek mit vesite naor et Centrum veur Prentkeunst op e Fochtel west. Meensken bin altied slim onder de indrok as ze zien wat daor allegeer an keunst bij mekeer brocht is. Et Centrum is op woensdag dichte, Pieter was dr dan ok niet, mar ik hebbe as bestuurslid van de Stichting Nobilis een sleutel van et gebouw. Dat is makkelik!
  Ik hebbe de literaire thriller Vrijdag van Loes den Hollander lezen. Ik mos dr eerst even inkommen, mar doe wodde et toch wel spannend. Sandra van Dalsum is trouwd, het een zeune en een dochter, en begint een overspeulige relaosie mit heur schoonzeune. Zoks moet wel verkeerd gaon en dat gaot et dan ok. De mooie, vule jongere schoonzeune wodt dood in een hotelkaemer vunnen mit een aandere vrouw. Wie het heur van kaant maekt? En dan is Sandra heur leven ok niet veilig, want de moordener docht dat de vrouw in et hotel Sandra was Een aorige pelisieman perbeert Sandra te helpen en de raodsels op te lossen.


Naor de volgende bladziede - Naor de veurige bladziede