21 oktober 17.00 Dit weekaende is een schriefweekaende. Vandaege hek wat veuruut warkt. Ik hebbe veur et feberwaorinommer van et Stellingwarver tiedschrift De Ovend twie stokken schreven. Een nij katteverhael en op verzuuk een artikel over et LF2018-Under de toer-projekt De tael van et hatte. Een groot en groots evenement dat op e aovens van 5 en 6 oktober 2018 opvoerd wodden zal op Der Izzerd. Ik bin trouwens nog veur een aander LF2018-projekt vraogd. Dat is al op 26 jannewaori. Mar daor morgen meer over.
  Onderstaonde foto wodde me gisteraovend toestuurd. De artiesten nao de veurstelling in Muntendam mit de kregen bloemen in de kliedkaemer. Boven: de beide manluden in et rood bin de manluden van et duo Nulennix. Tussen heur in Lucas (Hulshof) van et duo Lucas en Gea. Onder: Gea en ik. Et was me daor een grote belevenis in Muntendam. Morgen zak dr een kollum over schrieven.


Naor de volgende bladziede - Naor de veurige bladziede