24 oktober 17.00 Et leven is vusen te roezig op et ogenblik. Ik slaope de laeste tied niet al te best. Alles maelt me naachs mar in de kop omme. Vannaacht hek mar ongeveer drie uren slaopen. Dat is vusen te min en dat vuul ik dan overdag. Ik zitte nog wel gauw overdag es even te soezen.
  Ik gao aanst weer vot. Vanaovend mak verhaelen vertellen in kef De Waag in Nietap bij De Lieke veur de leden van et Nutsdepattement Vredewold. Ik bin in 1998 eerder bij heur west te vertellen. Ik daenke dat et een genoeglike aovend wodt!
  En altied is dr nog volk op vekaansie. Vleden weke kwam dr een kaorte van Sieger en Geertje uut Goslar, de duzendjaorige keizersstad in de Duutse Harz.


Naor de volgende bladziede - Naor de veurige bladziede