28 oktober 17.00 Ik gao dr de laeste daegen in de loop van de naacht of om schoon en veural dreug goed an te trekken. Ik zwemme naachs zoen betien in mien eigen zwiet. De wasmesiene maekt hier overuren. Ik hebbe gister een hieleboel ofzeg-mailties verstuurd.

27 oktober 17.00 En alweer wak vannaacht driefdeurnat van t zwiet. Wat bin ik mu! Hielemaole niks meer weerd Et is een opgaove om even een ofwassien te doen en et bedde te verschonen. Vanaovend hak vertellen zuld in Koekange in Huze Welgelegen tiedens et pergramme Verhalen rond de kachel. Ik hebbe eregister al ofzegd bij Ria Westerhuis en die mailde dat de meziek ok al ofzegd hadde vanwege ziekte. Et is me wat.

26 oktober 17.00 Ik ston gistermiddag op een groot teniel in et volle locht. Dat is drege vertellen, want dan kuj de meensken in de zael niet zien. Al vertellende murk ik dak almar zieker en koorsiger wodde. Mar ik hebbe et nog tot een goed aende brocht. Weeomme naor huus toe hek wel twintig kilemeter ommereden En now hek griep, ik vule me belabberd, bin koorsig en naachs nat van t zwiet. Veur de wissighied hek nog even naor de dokter west. Dr is gien spraoke van longontsteking zoas drie jaor leden. Gelokkig mar. Ik moet me daelegeven, vule anaders kan k ok niet, gewoon te tied nemen en mien agenda schonevegen. Et is niet aanders. Et zol ankem weke ien van de drokste weken van et jaor wodden Fettje het vandemiddag bosschoppen veur me daon. Ik lusse trouwens allienig mar een plakkien witte bolle en wat yoghurt. Mar poes Boris is hielemaole niet ziek, dat dr mos wel whiskas in huus kommen.

25 oktober 18.30 Vandemiddag hek verhaelen verteld veur de gezaemelike oolderen bonden in Zuudlaoren in de grote flat Mazaek Et was een genoeglijke middag. Now ja, ik bin mu, glundig hiete om de kop en hadde krek 38,6 graoden koorse. Wat is wieshied?
  Van Douwe en Romkje kwam dr gister ene kaorte van Burg Hohenzollern, et stamslot van et Duutse keizershuus.


Naor de volgende bladziede - Naor de veurige bladziede