5 november – 17.00 – Vandaege ha’k weer alderhaande dingen doen zuld as… Vandemorgen ha’k mit de overburen naor de verjaordag van mien vroegere overbuurvrouw Triensje zuld. Ze wodt morgen 94 jaor! Daornao hawwe mit een auto vol volk naor Almelo zuld veur een jazzkonsert in de biebeltheek van kammeraod Johan Bijkerk. Daor warkten vandemiddag an mit: Johan Bijkerk’s Jazz- en Bluesband, Greyhound, Keuperkwintet Wilhelmina en et Vocaal Sextet Servus. Dat he’k spietig genoeg allemaole mist…


4 november – 18.00 – Vandaege was de bestuursvergeerdering van de Stichting Nobilis in et Centrum veur Prentkeunst op ’e Fochtel, mar dat he’k an me veurbi’jgaon laoten. Spietig, mar et is op et ogenblik niet aanders. Veur et eerst in twaelf daegen he’k vandemiddag zels weer waarm eten klaormaekt. Een panne makkeroni veur twie daegen. De koorse is weer vot, mar ik bin mu en slop. Ik moet now weer wat doen gaon en weer wat kracht zien te kriegen. Dat ik bin vandemiddag even in de auto naor postzegelwinkel Feddema in Drachten west om wat klemstroken. Daank trouwens veur alle mailties en kaorten! Et is biezunder!

Naor de volgende bladziede - Naor de veurige bladziede