20 november 17.00 Vandemiddag hek naor kapster Bertha in Et Vene west. Die het me et haor netties bekubbed en zo. Dat now lig ik dr donderdag in ieder geval mooi bij in et ziekenhuus! Dat is ok wat weerd!
  Ik hebbe de roman De Franse tuinman van Santa Montefiore lezen. Now hek alle boeken van heur lezen, dit boek mos nog. De meersten hek ok in de boekekaaste staon. Een mooi en romantisch boek! En och, ik bin now ienkeer gek op romantiek! Miranda Claybourne woont mit man en kiender in een prachtig Engels laandhuus mit een enorme tuun. Dan komt ze een Fraansman tegen die de tuun wel weer maeken wil zoas die vroeger bij de veurige bewoners was. Mar wat is dr mit die mooie en geheimzinnige tuunman? En dan vint Miranda et dagboek van Ava Lightly, de veurige bewoonster en ontraffelt ze et geheim van de Fraanse tuunman.


Naor de volgende bladziede - Naor de veurige bladziede