30 november Ė 17.00 Ė Wat was me dat gisteraovend in Oosterwoolde een heerlik optreden in De Vriíjhiedshof. Een klein koppeltien van een twintig meensken die vlak veur me zatten en vol andacht weren. Vlakbiíj de meensken is et altied heerlik vertellen. Ik hebbe dír van geneuten!
  Gister las ik in de Stellingwarf dat Wiebe de Vries wegraekt is. Hiíj is negentig jaor wodden. Doe ik nog redakteur van et Stellingwarver tiedschrift De Ovend was, kwam hiíj geregeld biíj me thuus mit zien biíjdrege over de Twiede Wereldoorlog. Jaoren en jaoren het hiíj daor veur De Ovend over schreven. Hiíj wus dír alles van en zeker over de lochtoorlog. Hiíj hadde thuus in Wolvege een enorm archief. Zien boek De regio tijdens de Tweede Wereldoorlog is meerdere keren herdrokt. Dír bin indertied duzenden exemplaoren van verkocht.
  Jan de webmaster het hier vandemiddag mit de komputer ommefrosseld. Ik bemuuie me dan nargens mit en bin dír niet biíj. Dat is et beste veur mien bloeddrok.
  Een foto van veertig jaor ledenÖ In juni 1977 gongen Haarm en ik op vekaansie naor TunesiŽ. Dit bin ik in de tuun van oons hotel in Sousse. De jaoren bin in een zocht veurbiíjgaon.


Naor de volgende bladziede - Naor de veurige bladziede