2 december – 17.30 – Vandemorgen om twintig over negen wa’k al in dörpshuus De Buorskip in Beetsterzwaog. Daor he’k tot vier ure vandemiddag op een hobbymark staon mit boeken en postzegels. D’r kwam mar weinig volk opzetten, misschien dat dat deur et koolde, mistige weer kwam. Ik hebbe wel wat verkocht, mar niet al te vule. Ik hebbe now een jaor of wat veur de Sunderklaos op disse mark in Beetsterzwaog west. Ik doe dat niet weer. Daor verkoop ik daor te weinig veur. Ik hebbe daor niet meer een hiele vri’je dag veur over. Ik gao nog wel naor de Berkoper Mark en de Pompoenemark in Berkoop en de hobbymarken in Zorgvlied en Mildam. Daor verkocht et altied goed!
  Hieronder de tegeltieswieshied van de laeste tied. Ik kreeg dit plaetien gister toemaild van een goeie kammeraod uut Grunningerlaand.


Naor de volgende bladziede - Naor de veurige bladziede