4 december Ė 17.00 Ė Vandemiddag heík even naor Scheffer Media in Oosterwoolde west. Ik hadde gien pepier meer veur mien grafiekverzaemeling mythologie en poezen. Ik moet daor pepier veur hebben dat allegeer lieke dikke en groot is. Daor plak ik de grafiek op en zo krieík dus mien verzaemeling grafiekblaeden. Die beweer ik dan weer in speciaole opbargdeuzen. Vroeger kreeík dat pepier van Van der Meer in Oosterwoolde, doe wodde die opslokt deur Banda in Et Vene. Doe gong ik dus naor Et Vene om pepier. Mar Banda is ok al weer opslokt. Dat now gao ík weer naor Oosterwoolde. Ze hebben et spul drekt veur me sneden, dat ik kon et votdaolik mit naor huus kriegen. Ik hebbe vuufhonderd vellen kocht, daor kan ík wel even mit toe. Omdaík vlakbiíj Pieter was, heík daor een flut kraanten deur de brievebusse drokt. Ik hope dat de deure los wil as hiíj aanst thuuskomt. Ik zag in Oosterwoolde ok nog een poerzwatte Zwatte Piet fietsen. Mooi zo!
  Hieronder een niíje anweenst. Een ets van de Tsjechische grafikus Pavel Hlavaty. Dit is Medusa. Ziíj was een monsterlike feguur uut de Griekse mythologie. Medusa was de dochter van Phorcys en Ceto en de bekendste van de drie Gorgonen. De godinne Athena was kwaod op heur omdat ze in de tempel van Athena de liefde bedreef mit Poseidon. Athena veraanderde heur mooie haor daoromme in een nust mit kronkelende slangen. Wat een stel sekreten! Mar ja, zokke vrouwluden bin dír vandaege-de-dag vanzels ok nog welÖ


Naor de volgende bladziede - Naor de veurige bladziede