19 oktober Ė 14.00 Ė Vandemorgen heík Aris Ooijevaar uut Tuk (van vroeger uut Steggerde) op vesite had. Hiíj brocht me een peer van zien dichtbundels. Ik zal et ooit een keer allemaole lezen gaon.
  Ik hebbe vandemorgen veur de wissighied nog mar een keer een mail mit een kollum naor de kultuurredaktie van de Liwwadder Kraante stuurd. Komt dír now ankem weke deensdag wel een kollum in de kraante of weer niet? Ik hebbe ok now (nog) gien antwoord weerommekregen.
  En now stap ik zo in de auto en dan gao ík via Wolvege en Et Vene, daor aík bestelde postzegels ofleveren moet, naor Liwwadden. Ik zal vanaovend eten biíj Geertje en Sieger en daornao lopen we naor et Koepeltheater (de vroegere Koepelkarke) veur een lezing en een konsert naor anleiding van de roman Baron van Theun de Vries. Die roman is de basis van een theatraal meziekprojekt van Holland Baroque: MoliŤre et moi. Et wodt grif een mooie aovend.

18 oktober Ė 17.20 Ė Vandemorgen heík mit de auto naor de gerage west. Die mos een beurt hebben. Toegeliekertied was dír een weerommeroepaktie veur bepaolde medellen van de Seat Ibiza en daor was die van miíj ok biíj. Ik hope dat alles now weer goed is. Ik hebbe biíj de gerage een lienfiets kregen en bin zolange biíj Haarm en Jacob op vesite west. Intied daík vot was het Anke et huus schonemaekt. Et reuk heerlik fris doe ík de deure weer inkwam.
  Vandemiddag heík vesite had van Zwannie Menger uut Donkerbroek. Ziíj was vleden weke zaoterdagmiddag ien van de schilders die een petret van me maekt het in de hal van Home Center in Wolvege. En ik hebbe heur schilderiíje doe uutkeuzen. Ze het et nog een betien bewarkt en signeerd en het et me vandemiddag brocht. Prachtig. Ik zal dír een mooi plakkien veur zuken. Mar ik zal et eerst inliesten laoten!

Naor de veurige bladziede