11 jannewaori Ė 17.00 Ė Ik hebbe de roman De jongen die zijn vader zocht van John Boyne lezen. Ik kreeg et boek op twiede kastdag van de kastman en die hadde gien beter en mooier boek veur me uutzuken kund. Wat toch prachtig! Ik hadde Boyne zien bestseller De jongen in de gestreepte pyjama en de verfilming daor van indertied lezen en zien, dat ik hadde hoge verwaachtings. Want dat boek en die film vergeet ik nooit. Mar ok dit boek is wonderlik mooi. Even naodat de Eerste Wereldoorlog uutbreuken is meldet de vader van Alfie Summerfield him an om as soldaot mit te vechten. Mar dan kommen dír nao verloop van tied gien brieven meer van him. Zol hiíj sneuveld wezen? Alfie zien moeder vertelt dat zien vader op een geheime missie is. Mar veerder vertelt ze niks. Nao de oorlog warkt Alfie as negenjaorig joongien as schoepoetser op Kingís Cross Station en dan lest hiíj onverwaachs zien femilienaeme op een vel pepier dat toebeheurt an een legerdokter. Zien vader leeft nog en ligt mit een oorlogstrauma in een ziekenhuus, veer van Londen. Alfie besluut dat et tied wodt veur zien eigen geheime missie. Hiíj zal mit de trein naor zien vader gaon en him weerommebrengen naor heur huus op Damley Road... Et boek is vanuut et joongien Alfie schreven. Wat mooi, wat mooi!


10 jannewaori Ė 17.00 Ė Vandemorgen heík overleg had mit Sigrid over oons grote projekt De tael van et hatte dat in et kader van Kulturele Heufdstad 2018 opvoerd wodden zal op 5 en 6 oktober op Der Izzerd. We hebben et skript nog een keer hielemaole deurneumen.
  Van Pieter heurde ík dat heur now al 75 meensken opgeven hebben veur et pergramme van Peter Lazarov en miíj op vriíjdagaovend 26 jannewaori in et Centrum veur Prentkeunst op íe Fochtel. Ok in et kader van Kulturele Heufdstad 2018. Dat is hiel mooi!
  Vandemiddag heík veur de eerste keer van mien leven een appelplaetkoeke bakt en die is hiel arg lekker wodden! Ik hadde mien niíje schŲlk veur die ík op mien verjaordag kregen hebbe. Een schŲlk mit et embleem van de tillevisieserie MasterChef dír op. Dat ik kan now haost wel an Heel Holland bakt mitdoen.
  Vanaovend zaík een hieleboel meensken de haand geven en et niíjjaor ofwinnen. Ik gao aanst naor de niíjjaorsreceptie van de gemiente West-Stellingwarf in et gemientehuus in Wolvege. Et is van zeuven tot negen ure.

Naor de volgende bladziede - Naor de veurige bladziede