31 december – 16.00 – De laeste dag van ’t jaor... Et was gien geweldig goed jaor... Een jaor mit nogal wat ongemakken. Ik gao et oolde jaor licht in ’t heufd uut en et ni’je licht in ’t heufd in. Ik zal ok ankem jaor hinder hebben van de burn-out en niet altied alles mar kunnen. Lichtkaans da’k dat op mien leeftied ok niet meer willen moet. Hopelik is daor begrip veur en lieke hopelik zicht et d’r over een jaor beter uut.
  Ik gao vanaovend naor Haarm en Jacob in Et Vene om daor et oolde jaor uut te zitten. As et al slim mistig wodt, zoas ze zeggen, blief ik daor vannaacht en kom ik morgenvroeg weer thuus. As et wat mitvaalt, kom ik vannaacht weer thuus. Ik hebbe vandemorgen lekkere koeken van de bakker van Berkoop haeld, dan hewwe vanaovend wat te eten.
  Ik weens alle dagboeklezers een goeie jaorwisseling toe en veur ankem jaor alle goeds. Vanzels veural een goeie gezondhied. Dat is et alderbelangriekste!
  Hieronder een foto die Roelien me vandemorgen toemailde. Niet allienig de karke van Ni’jhooltpae staot disse daegen as et donker is in ’t locht. De karke van Aalten ok!


Naor de veurige bladziede