5 december Ė 17.00 Ė Kon ík mar es een naacht rustig slaopen... Mar dír is altied wel wat. Vannaacht kwam ik in een hotel en ik hadde vergeten te risserveren. Butendat was al mien begage te zuke. Ik wus allienig nog mar daík een klusien hadde op een vliegveld tegenover et plak waor vliegtugen stonnen van Royal Air Maroc. En doe wodde ík gelokkig wakker.
  Wiels Anke et huus schonemaekt het, heb ik vandemorgen de bak mit boeken, die ík overhullen hebbe van de Wintermark in Mildam, weerommebrocht naor de Schrieversronte in Berkoop. Vandemiddag heík niíje koekepannen kocht in Wolvege en in Et Vene heík op verzuuk van mien schoonzuster een boeket bloemen veur heur vrundinne kocht en die ok in Et Vene ofleverd.
  Hieronder een foto van vandaege. Ajím in december biíj miíj de veurdeure inkommen ziejím disse kastman staon. Hiíj komt vanzels uut SkandinaviŽ, dat ik hebbe him de naeme Sebastian geven. Ik hebbe him dus nuumd naor de dwasse pelisie-psycholoog Sebastian Bergman uut de thrillers van Hjorth Rosenfeldt. Disse Sebastian is ok een betien dwas. Zeg him dus vrundelik van goeiendag ajím biíj miíj in huus kommen! De Sebastian uut de boeken is trouwens ok seksverslaafd. Daor heík biíj disse Sebastian gelokkig nog niks van verneumen.


Naor de veurige bladziede