Johan Veenstra het een scharp oge veur et bi’jtieden wonderlike doen en laoten van de meensken om him henne. In de verhaelen, die in Mit et waeter veur de dokter staon, komt de humor riekelik an bod. Mit een vlotte en speulse penne beschrift hi’j wat alderhaande volk him allemaole vertelt en opbiecht. Een boel humor dus, mar zo now en dan wodt et ok wel es even serieus en ontroerend. We kommen in dit boek nogal es hiele appatte meensken tegen en al lezende moej’gniezen om heur vremde anwaensten en meneuvels. Mit et waeter veur de dokter is in wezen krek zoe’n soort boek as Veenstra zien suksesbundels Een meenske is gien eerpel en De wereld is gek. Boeken veur een groot lezerspebliek!

Johan Veenstra begon veertig jaor leden, in de haast van 1971, mit zien schrieveri’je in et Stellingwarfs. In die veertig jaor schreef hi’j romans, boeken mit kotte verhaelen en gedichten. Mit et waeter veur de dokter is zien 24^ste boek. Een
jubileumboek dus!

ISBN: 978-90-6466-164-8
1e drok
Pries € 12,50